ބަޙުރު

އަލި ދަތުރުކުރާ ބާރުމިނަށްވުރެ ހަލުއި ސްޕީޑްތައް ކީރިތި ޤުރުއާނުގައި ބަޔާންކުރައްވާފައި ވެއެވެ. އެއިން އެއް ސްޕީޑް ބަޔާންކުރައްވާފައިވަނީ، އައްސަޖްދާ ސޫރަތުގެ 5 ވަނަ އާޔަތުގައެވެ. އެ އާޔަތް ތިރީގައި މިވަނީއެވެ.
(يُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِّمَّا تَعُدُّونَ)
މާނައީ، "އުޑުން ފެށިގެން ބިމާ ހަމަޔަށް ހުރިހާ ކަމެއް އެކަލާނގެ ތަދުބީރުކުރައްވަތެވެ. ދެން ތިޔަބައިމީހުން ގުނާގޮތުން އެއްހާސް އަހަރުގެ މިންވަރުގެ ދުވަހެއްގައި، އެ ހުރިހާ ކަމެއް އެކަލާނގެ ޙަޟުރަތަށް އަރައިގެންދެއެވެ."

އަހަރު: އިންސާނުން މި ދުނިޔޭގައި މުއްދަތު ބަލާ އަހަރު (ހަނދުމަހުގެ އަހަރު)
ބިމުގެ ވަށައިގެން ހަނދު ދައުރެއް ފުރިހަމަކުރާ މުއްދަތު: 1 މަސް.
1 މަސްދުވަހުގެ ތެރޭގައި ހަނދު ކަޑައްތުކުރާ ރާސްތާގެ ދިގުމިން: 2152612.269 ކިލޯމީޓަރ.
1 އަހަރު = 12 މަސް.

12 މަސްދުވަހުގެ ތެރޭގައި ހަނދު ކަޑައްތުކުރާ ރާސްތާ = 12 * 2152612.269 = 25831347.228 ކިލޯމީޓަރ.

1000 އަހަރުދުވަހުގެ މުއްދަތުގެ ތެރޭގައި، ހަނދު ކަޑައްތުކުރާ ރާސްތާ = 1000 * 25831347.228 = 25831347228 ކިލޯމީޓަރ.

ދުވަހެއްގެ ދިގުމިން = 86164.098903691 ސިކުންތު.
ދުވަހެއްގެ ދިގުމިން = 23 ގަޑިއާއި، 56 މިނެޓާއި، 4.09053083288 ސިކުންތު
= 86164.09053083288 ސިކުންތު.

ސްޕީޑް = ރާސްތާ / ވަގުތު
ސްޕީޑް = 25831347228 / 86164.098903691 = 299792.460622646 ކިލޯމީޓަރ/ސިކުންތު
= 299792.5 ކިލޯމީޓަރ/ސިކުންތު.
އެންސައިކްލޮޕީޑިއާ ބްރިޓެނިކާ ގައިވާ އަލި ދަތުރުކުރާ ބާރުމިން: 299792.458 ކިލޯމީޓަރ/ސިކުންތު.

ފާޑުކިޔާ ފަރާތްތަކުން ދައްކާ ޙުއްޖަތް:

1000 އަހަރުދުވަހުގެ މުއްދަތުގެ ތެރޭގައި، ހަނދު ކަޑައްތުކުރާ ރާސްތާ = 2 * π * ހަނދުގެ އޯބިޓްގެ ރޭޑިއަސް (ކިލޯމީޓަރުން) * 12 * 1000
= 2 * 3.14 * 384000 * 12 * 1000 = 28938240000 ކިލޯމީޓަރ.

އާޔަތުގައިވާ ސްޕީޑް = 1000 އަހަރުދުވަހުގެ މުއްދަތުގެ ތެރޭގައި، ހަނދު ކަޑައްތުކުރާ ރާސްތާ/ދުވަހެއްގެ ދިގުމިން (ސިކުންތުން)
= 28938240000 / (24 * 60 * 60)
= 335000 ކިލޯމީޓަރ/ސިކުންތު (ގާތްގަނޑަކަށް).
މިއީ، ފުރަތަމަ ބަޔާންކުރެވުނު އަލި ދަތުރުކުރާ ސްޕީޑަށްވުރެ ބާރު ސްޕީޑެކެވެ.

މާބާރު ސްޕީޑެއް

ނަންގަނެވިދިޔަ ސްޕީޑަށްވުރެ މާބާރު ސްޕީޑެއް ވެސް ކީރިތި ޤުރުއާނުގައި ބަޔާންކުރައްވާފައި ވެއެވެ. އެ ސްޕީޑް ބަޔާންކުރައްވާފައިވަނީ، އަލްމަޢާރިޖު ސޫރަތުގެ 4 ވަނަ އާޔަތުގައެވެ. އެ އާޔަތް ތިރީގައި މިވަނީއެވެ.
(تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ)
މާނައީ، "ފަންސާސްހާސް އަހަރުގެ މިންވަރުގެ ދުވަހެއްގައި، މަލާއިކަތުންނާއި، ޖިބުރީލުގެފާނު، އެކަލާނގެ ޙަޟުރަތަށް އަރާވަޑައިގަންނަވައެވެ."
ތިރީގައި މިވަނީ، މި އާޔަތުގައި ބަޔާންކުރައްވާފައިވާ ދުވަހުގެ ސްޕީޑް ބަޔާންކޮށްދޭ ހިސާބެވެ. މި ހިސާބު ހަދާފައިވަނީ، އިސްވެދިޔަ މާދަލާ ބޭނުންކޮށްގެންނެވެ.

50000 އަހަރުދުވަހުގެ މުއްދަތުގެ ތެރޭގައި، ހަނދު ކަޑައްތުކުރާ ރާސްތާ = 2 * π * ހަނދުގެ އޯބިޓްގެ ރޭޑިއަސް (ކިލޯމީޓަރުން) * 12 * 50000
= 2 * 3.14 * 384000 * 12 * 50000 = 1446912000000 ކިލޯމީޓަރ.
އާޔަތުގައިވާ ސްޕީޑް = 1000 އަހަރުދުވަހުގެ މުއްދަތުގެ ތެރޭގައި، ހަނދު ކަޑައްތުކުރާ ރާސްތާ/ދުވަހެއްގެ ދިގުމިން (ސިކުންތުން)
= 1446912000000 / (24 * 60 * 60)
= 16746666.67 ކިލޯމީޓަރ/ސިކުންތު (ގާތްގަނޑަކަށް).

މިއީ، އަލި ދަތުރުކުރާ ބާރުމިނަށްވުރެ މާބާރު ސްޕީޑެކެވެ. އާޔަތުން ދޭހަވާ ގޮތުގައި، މާތް ﷲ ގެ ޙަޟުރަތަށް، މަލާއިކަތްބޭކަލުން މި ސްޕީޑްގައި އަރާވަޑައިގަންނަވައެވެ. މިއީ، އަލި ދަތުރުކުރާ ބާރުމިނަށްވުރެ މާ ބާރު ސްޕީޑެކެވެ. އެހެނީ، މިއީ، އަލި ދަތުރުކުރާ ބާރުމިނަށްވުރެ 55.86 ގުނަ އިތުރު ސްޕީޑެކެވެ.