ބަޙުރު

ޢިމްރާން ބުނު ޙިއްޠާނަކީ، ބުރުސޫރަ ހުތުރު ޝާޢިރެކެވެ. އޭނާ ވަރަށް ރީތި އަންހެނަކާ ކާވެނިކުރިއެވެ. އެ އަނބިމީހާއާ ފުރަތަމަ ބައްދަލުވި ރޭ، އޭނާ ބުންޏެވެ.
"ތިޔަ ފަދަ ރިވެތި އަނތްބެއް ތިމަންނާއަށް ދެއްވި ކަމަށްޓަކައި މާތް ﷲ ގެ ޙަޟުރަތަށް ޝުކުރު ދަންނަވަމެވެ."
އެހިނދު އޭނާގެ އަނބިމީހާ ބުންޏެވެ.
"ތިބާއާއި ތިމަންނަ ވާނީ ސުވަރުގޭގައިކަން ކަށަވަރެވެ!"
އެހިނދު އޭނާ ބުންޏެވެ.
"އެއީ ކީއްވެ ހެއްޔެވެ؟"
އަނބިމީހާ ބުންޏެވެ.
"ބުރުސޫރަ ހުތުރު ފިރިއަކު ލިބުނީތީ، އެކަމަށްޓަކައި ތިމަންނަ ކެތްކުރަމެވެ. ބުރުސޫރަ ރިވެތި އަނތްބަކު ލިބުނީތީ، އެކަމަށްޓަކައި ތިބާ އެބަ ޝުކުރުވެރިވެއެވެ. ފަހެ، އާޚިރަތުގައި، ޝުކުރުވެރިންނާއި ކެތްތެރިން ވާނީ ސުވަރުގޭގައެވެ."