ގަބުމީހާ ޖެހި ފާހަގަ
އެއްދުވަހަކު ގަބު މީހަކު ހަނަފަސް ބިމަކަށް ގޮސް
އެތަން ކޮންނަމުންދިޔައެވެ. އެ މަންޒަރު ފެނުނު މީހަކު
އޭނާގެ ގާތަށް ގޮސް އެއްސެވެ.
"ތިޔަ ތަން ތިޔަ ކޮންނަނީ
ކީއްވެ ހެއްޔެވެ؟"
ގަބު މީހާ ބުންޏެވެ.
"މިއުޅެނީ، މި ތާނގައި ވަޅުލި ރުފިޔާތަކެއް
ހޯދަންވެގެންނެވެ."
އެތަނަށް ދިޔަ މީހާ އެއްސެވެ.
"ރުފިޔާތައް ވަޅުލުމަށްފަހު، ވަޅުލި ތަނުގައި ފާހަގައެއް
ނުޖަހަން ހެއްޔެވެ؟"
ގަބު މީހާ ބުންޏެވެ.
"ނޫނެކެވެ. ފާހަގައެއް ޖެހީމެވެ."
އެތަނަށް ދިޔަ
މީހާ އެއްސެވެ.
"އެ ފާހަގަ މިހާރު ކޮބައިހެއްޔެވެ؟"
ގަބު މީހާ ބުންޏެވެ.
"އެއީ، މި ދިމާ މަތީގައި އޮތް
ވިލާގަނޑެކެވެ. މިހާރު އެ ވިލާގަނޑެއް ނެތެވެ!"