ބަޙުރު

ޙިކުމަތްތެރި ވާހަކައެއްގައި ވެއެވެ.

އެއް ސަހަރެއްގައި ރަސްކަލަކު އުޅުއްވިއެވެ. އެ ސަހަރުގެ މީހަކަށް އިނާމެއްގެ ގޮތުގައި ބިމެއް ދެއްވުމަށް އެ ރަސްގެފާނު ޤަޞްދުކުރެއްވިއެވެ. ދެން އޭނާގެ ގާތުގައި ރަސްގެފާނު ވިދާޅުވިއެވެ.
"މި ސަހަރުގެ ބިމުން ތިބާ ބޭނުންވާ ހިސާބަށް ފައިމަގުގައި ހިނގާފައި ދާށެވެ! އެއަށްފަހު ތިމަން ރަސްގެފާނުގެ އަރިއަހަށް އެނބުރި އަންނާށެވެ! އޭރުން ތިބާ ހިނގާފައި ދިޔަ ރާސްތާގައި ހިމެނޭ ބިން، ތިބާއަށް ދެއްވާނަމެވެ."

ދެން އޭނާ ހިނގަންފެށިއެވެ.
ވަރުބަލިވާ ވަރަށް ހިނގުމަށްފަހު އޭނާގެ ހިތަށް އެރިއެވެ.
"ރަސްގެފާނުގެ އަރިއަހަށް އެނބުރި ދާންވީއެވެ! އޭރުން މި ކަޑައްތުކުރެވުނު ބިން ތިމަންނައަށް ލިބޭނެތާއެވެ!"
މިހެން ހިތައި ވަރުބަލިފިލުވާލަން އިނެއެވެ. ވަރުބަލި ފިލުމުން އޭނާގެ ހިތަށް އެރިއެވެ.
"އަދިވެސް އިތުރު ރާސްތާއެއް ކަޑައްތުކުރަންވީއެވެ. އޭރުން ތިމަންނައަށް ލިބޭ ބިން މިއަށްވުރެ ވެސް ބޮޑުވާނެތާއެވެ!"

ދެން އަނެއްކާ ވެސް އޭނާ ހިނގަންފެށިއެވެ.
ވަރުބަލިވާ ވަރަށް ހިނގުމަށްފަހު އޭނާގެ ހިތަށް އެރިއެވެ.
"ރަސްގެފާނުގެ އަރިއަހަށް އެނބުރި ދާންވީއެވެ! އޭރުން މި ކަޑައްތުކުރެވުނު ބިން ތިމަންނައަށް ލިބޭނެތާއެވެ!"
މިހެން ހިތައި ވަރުބަލިފިލުވާލަން އިނެއެވެ. ވަރުބަލި ފިލުމުން އޭނާގެ ހިތަށް އެރިއެވެ.
"އަދިވެސް އިތުރު ރާސްތާއެއް ކަޑައްތުކުރަންވީއެވެ. އޭރުން ތިމަންނައަށް ލިބޭ ބިން މިއަށްވުރެ ވެސް ބޮޑުވާނެތާއެވެ!"

މި ގޮތަށް އެތައް ފަހަރަކު ވަރުބަލި ފިލުވާލައިގެން، އޭނާ ވަރަށް ދިގު ރާސްތާއެއް ކަޑައްތުކުރިއެވެ. އެއަށްފަހު ރަސްގެފާނުގެ އަރިއަހަށް އެނބުރި ދާން އުޅުނެވެ. ނަމަވެސް އޭރު އޭނާއަށް ވަނީ މަގުއޮޅިފައެވެ. މަގު ހޯދުމަށްޓަކައި އޭނާ މަސައްކަތްކުރިއެވެ. އެ މަސައްކަތުގައި އުޅެނިކޮށް އޭނާގެ އަތުން ކާބޯތަކެތި ހުސްވެ، އޭނާ ބަނޑަށްމަރުވެއްޖެއެވެ.

ވާހަކައިން ލިބޭ ޢިބްރަތް

ލިބެން އޮންނަ މަދު މިންވަރާމެދު ނުރުހިއްޖެ ނަމަ، ލިބޭނެ ގެއްލުން މާ ބޮޑުވާނެއެވެ.

މަޞްދަރު

https://wassimzozo.blogspot.com/2017/04/blog-post_30.html