ބަޙުރު

1.
"މައުލާޔަ ޞައްލި ވަ ސައްލިމް ދާއިމަން އަބަދާ،
އަބަދަން ޙަބީބަށަ މަތިވެރި ލެއްވެވުން އެދެނީ."
2.
ނަންފުޅު މުޙައްމަދު ތާ، ބިން އޭޝިޔަން-އެފްރޯ،
ޔޫރަޕު ބިމާ ގުޅިދާ، އައްސޭރިތައް ފަވަނީ.
3.
ކަޅުކަނޑުގެ އައްސޭރިން، މީމޭ ވަނީ ރަސްމުން،
ތުރުކީގެ އައްސޭރިން، ޙާ ފެށިގެނޭ އެ ދަނީ.
4.
އަދި ސީރިޔާ ޝާމުން، ލުބްނާން، ފަލަސްޠީނާ،
ސައިނާ ބިމާ މިޞްރުން، ޝާމިލު އެއަށްމެ ވަނީ.
5.
ފަހެ، ލީބިޔާގެ ބިމާ، ގުޅިގެން ފަވާ މީމޭ،
މެދުކަނޑު ތެރޭގެ މެދަށް، ވާޞިލުވެފައި އެވަނީ.
6.
ޓިއުނީޝިޔާގެ މަތިން، ފެށިގެން އެ ދާ ދާލަށް،
އަލްޖީރިޔާ، މޮރޮކޯ، އައްސޭރިފަށް މަހަނީ.
7.
ތިން ބައްރު ގުޅިފައިވާ، އައްސޭރިތައް ފަވަނީ،
ނަންފުޅު މުޙައްމަދު ކަން، ފާޅުވެ އެނގެންމެ ވަނީ.
8.
"މައުލާޔަ ޞައްލި ވަ ސައްލިމް ދާއިމަން އަބަދާ،
އަބަދަން ޙަބީބަށަ މަތިވެރި ލެއްވެވުން އެދެނީ."