ބޭނުމީ އަވަހަށް ސުވަރުގެއަށް ދިއުމެވެ.
ބަޔަކު މީހުން ޤަބުރުސްތާނަށް ދަނިކޮށް، މަގުމަތީގައި
ހުރި ފާފަކުރާ ކުއްޖަކު، އެއިން މީހަކު ކުރެން އެއްސެވެ.
"މި އެންމެން މިދަނީ ހިލައުކަން ހެއްޔެވެ؟"
އެމީހާ ބުންޏެވެ.
"ނޫނެކެވެ. މި އެންމެން މިދަނީ ވެލިއުކަން ވެގެންނެވެ!"
އެކުއްޖާ ބުންޏެވެ.
"މަވެސް ގެންދާށެވެ! ކޮންމެ އެއްޗެއް އުކިޔަސް
އުކައިފިއްޔާ އުކުމުގެ ސަވާބު ލިބޭނެތާއެވެ!"
ދެން އެމީހުން އެކުއްޖާ ގޮވައިގެން ގަބުރުސްތާނަށް
ދިޔައެވެ. އެމީހުން ދިޔައީ މައްޔިތެއްގެ ޖަނާޒާއަކަށެވެ!
އެމީހުން މައްޔިތާ ވަޅުލާފައި ކަށްވަޅަށް ވެލިއުކިއިރު،
އެކުއްޖާ ވެސް އެކަމުގައި ބައިވެރިވި އެވެ. އެއަށްފަހު،
އެއިން މީހަކު ކުރެން އެއްސެވެ.
"މިވަރުން ޙައްޖެއް ލިބޭނެ ހެއްޔެވެ؟"
އެކުއްޖާ މިހެން ބުނުމުން، އޭނާގެ ކިބައިގައި
އިސްލާމްދީނާއި އިސްލާމީ ސަގާފަތުގެ ކަންފުޅެއް ވެސް
ނެތްކަން އެމީހާއަށް އެނގުނެވެ! މިހެންވެ،
ސަމާސާކޮށްލުމުގެ ގޮތުން އެމީހާ ބުންޏެވެ.
"މިވަރުން ޙައްޖަކާއި ދެ ޢުމްރާ ވެސް ލިބޭނެއެވެ!"
އެހިނދު އެކުއްޖާ ބުންޏެވެ.
"އެހެންވިއްޔާ، މިހާރު ވާނީ މަގޭ ހުރިހައި ފާފައެއް
ފޮހެވިފައިތާއެވެ! އަވަހަށް މަ ވެސް ވަޅުލާށެވެ! ބޭނުމީ އަވަހަށް
ސުވަރުގެއަށް ދިއުމެވެ!"