ބަޙުރު

އެއް ސަހަރެއްގައި ދަނޑުވެރި ދެމަފިރިއަކު އުޅުނެވެ. އެ ދެމަފިރިން އަސްދޫންޏެއް ގެންގުޅުނެވެ. އެއީ ވަރަށް އާދަޔާ ޚިލާފު އަސްދޫންޏެކެވެ. އެހެނީ ކޮންމެ މަހަކު އެ އަސްދޫނި ރަން ބިހެއް އަޅައެވެ. އެ ބިސްވިއްކައިގެން ލިބޭ ފައިސާއިން އެ ދެ މަފިރިންގެ މަސްދުވަހުގެ ހުރިހައި ޚަރަދެއް ކުރެވެއެވެ. އަދި ފަހަށް ރައްކާކުރާނެ ފައިސާކޮޅެއް ވެސް ބާކީވެއެވެ. އެ ގޮތުގައި އެތައް އަހަރެން ވަންދެން އެ ދެމަފިރިން ދިރިއުޅުނެވެ.

އެއްދުވަހަކު ދަނޑުވެރިޔާއަށް އިބްލީސް ވަސްވާހެއް ދިނެވެ. "ކޮންމެ މަހަކު އަސްދޫނި އަޅަނީ އެންމެ ބިހެއް ނޫން ހެއްޔެވެ؟ އަސްދޫނީގެ ބަނޑު ފަޅައިލުމުން، އެއް ފަހަރާ ހުރިހައި ބިސްތަކެއް ލިބިދާނެއެވެ." އިބްލީސް ދިން އެ ވަސްވާހަކީ ތެދެއް ކަމަށް، ދަނޑުވެރިޔާއަށް ގަބޫލުކުރެވުނެވެ.

ދަނޑުވެރިޔާ، އޭނާގެ އަނބިމީހާގެ ގާތަށް ދިޔައެވެ. އަދި އިބްލީސް ދިން ވަސްވާސް ކިޔައިދީ، އެ ކަމާމެދު ސައްލާކުރިއެވެ. އަނބިމީހާއަށް ވެސް ގަބޫލުކުރެވުނީ، އަސްދޫނީގެ ބަނޑުގައިވާ ހުރިހައި ބިހެއް އެއްފަހަރާ ނެގުމަށެވެ. އަދި އެ ބިސްތައް ވިއްކާލައިގެން މާ އަވަހަށް މުއްސަނދިވާނެ ކަމަށެވެ.

ޖެހިގެން އައި ދުވަހު، އެ ދެމަފިރިން ވަޅިއެއް ތޫނުކުރިއެވެ. އެއަށްފަހު، އަސްދޫންޏަށް ފެންދީ، އެ އަސްދޫނި ކަތިލައިގެން އޭގެ ބަނޑު ފެޅިއެވެ. އެ ހިނދު އެ ދެމަފިރިން ވަރަށް ބޮޑަށް ހިތާމަކުރަން ޖެހުނެވެ. އެއީ އަސްދޫނީގެ ބަނޑުތެރެއިން އެންމެ ބިހެއް ވެސް ނުފެނުމުންނެވެ.

ދެންފަހެ، އިބްލީސް ދިން ވަސްވާހަކީ، އެ ދެމަފިރިންނަށް ރަންބިސް ލިބުން މަނާކުރުމަށް ޓަކައި ދިން މަކަރުވެރި ވަސްވާހެއްކަން، އެ ދެމަފިރިންނަށް ވިސްނުނެވެ. ނަމަވެސް އޭރު ވަނީ ވަގުތު ފާއިތުވެފައެވެ. ރަންބިސް ނުލިބުމުގެ ސަބަބުން، ޙަޔާތުގެ ބާކީ އޮތް ބައިގައި އެ ދެ މަފިރިން ދިރިއުޅެންޖެހުނީ، ވަރަށް ފަޤީރު ޙާލެއްގައެވެ.

ވާހަކައިން ލިބޭ ޢިބްރަތް:

އިބްލީހުގެ ވަސްވާހަށް ނުހެއްލޭށެވެ!

މަޞްދަރު:

الاوزة و البيضة الذهبية
https://www.chahrayar.com/2024/01/the-goose-story.html