ޖުހާގެ ވަޢުޡުބުނުން
އެއްދުވަހަކު ޖުހާ މިސްކިތުގެ މިންބަރަށް އަރައިހުރެ
ބުންޏެވެ.
"ތިމަންނަ ބުނަން މިއުޅޭ އެއްޗެއް
ތިޔަބައިމީހުންނަށް އެނގޭ ހެއްޔެވެ؟"
މިސްކިތުގައި ތިބި
މީހުން ބުންޏެވެ.
"ނޭނގެއެވެ."
ޖުހާ ބުންޏެވެ.
"ތިމަންނަ ބުނަންއުޅޭ އެއްޗެއް ނޭނގޭނީ ޖާހިލުންނަށެވެ.
ޖާހިލުންގެ ގާތުގައި ވަޢުޡު ބުނެގެން ކުރާނީ ކޮން
ފައިދާއެއް ހެއްޔެވެ؟"
އަނެއް ދުވަހު މިސްކިތުގެ
މިންބަރަށް އަރައިހުރެ ބުންޏެވެ.
"ތިމަންނަ ބުނަން
މިއުޅޭ އެއްޗެއް ތިޔަބައިމީހުންނަށް އެނގޭ ހެއްޔެވެ؟"
މިސްކިތުގައި ތިބި މީހުން ބުންޏެވެ.
"އެނގެއެވެ."
ޖުހާ ބުންޏެވެ.
"ތިމަންނަ މިއަދު ބުނަންއުޅޭ
އެއްޗެއް ތިޔަބައިމީހުންނަށް އެބައެނގޭތާއެވެ!
ތިޔަބައިމީހުންނަށް އެނގޭ އެއްޗެއް، ތިޔަބައިމީހުންނަށް
ބުނެދީގެން ކުރާނީ ކޮން ފައިދާއެއް ހެއްޔެވެ؟"
އޭގެ
ފަހުން އެހެން ދުވަހު މިސްކިތުގެ މިންބަރަށް އަރައިހުރެ
ބުންޏެވެ.
"ތިމަންނަ ބުނަން މިއުޅޭ އެއްޗެއް
ތިޔަބައިމީހުންނަށް އެނގޭ ހެއްޔެވެ؟"
މިސްކިތުގައި ތިބި
މީހުންގެ ތެރެއިން އެއް ބަޔަކު ބުންޏެވެ.
"އެނގެއެވެ."
އަނެއް ބަޔަކު ބުންޏެވެ.
"ނޭނގެއެވެ."
ޖުހާ
ބުންޏެވެ.
"އެނގޭ މީހުން، ނޭނގޭ މީހުންނަށް
ބުނެދޭށެވެ!"