ބަޙުރު

1.
ތީރު ލޯބީގެ ލޮލަށް މޭ ފޮނުވީ!
އޭތި ހެރި މަޢުޝޫޤާ ލޯ ކަނުވީ!
2.
ތީރު ރާގުތަކުން ރޮއިފައި ފޮނުވީ،
އޭގެ ބާނިން ކަންފަތް ބީރުމެވީ!
3.
މަދުވެ ބުއްދި މުޞީބާތުގެ ގިލަނުން،
މަގު މަށަށް އޮޅި ދީވާނާ ވެސް ވީ!
4.
ހެޔޮ ހިތުން ހޭހަން ކުރުމަށަ އެދިގެން،
ލޯބިލޯބިން މަގު ފަހިކޮށްމެ ގޮވީ!
5.
އެ ހިނދު އޭނާގެ ދެ ފައި އޮޅި މަގުގައި،
އަނގަވަތަށް ވެއްޓި މުޅިން ގައުވީ!
6.
ކައިރިއަށް ގޮސް ބޮލުގައި އަތްލީމާ،
ވަކިވެދާ ވިގަކަށް އިސްތަށިގަނޑު ވީ!
7.
ބުއްދިއަށް ލޯބީގެ ޝުޢޫރެއް ދޭން،
ބުނި ބަހަށް އޭނާގެ އަޖަލު ފާވީ!
8.
އުފެދިފައި ވާ ލޯބީގެ ގިނީގައި،
މައްޔިތާ ވަޅުލައި ޔާސީން ކިޔެވީ!
9.
ހުޅުހިފައި ރޯވެ މުޅިން ހަށި އެނދުމުން،
އާދެ، މަޢުޝޫޤާ ދަރުދެއްޔަށަ ވީ!
10.
ދެން ކުރާނީ ކީއްހޭ؟ ބުނެބުނެބުނެ،
ދީބުގައި ޢާޝިޤު ވީރާނާވީ!!!