ބަޙުރު

އެއްދުވަހަކު ވެރިމީހާ އޭނާގެ މުވައްޒަފެއްގެ ގާތުގައި ބުންޏެވެ.
"އެ އޮތް ޙިމާރު، ތިބާއަށް ފެނޭ ހެއްޔެވެ؟"

މުވައްޒަފު ބުންޏެވެ.
"އާނއެކެވެ. އެބަފެނެއެވެ."

ވެރިޔާ ބުންޏެވެ.
"އެ ޙިމާރުގެ ކައިރިއަށް ގޮސް އޭތި ހެއްވައިލަދީބަލާށެވެ!"
ދެން މުވައްޒަފު އެ ޙިމާރުގެ ކައިރިއަށް ގޮސް، އޭތި ހެއްވައިލިއެވެ!!!

އެ ކަން ކޮށްފައި މުވައްޒަފު އެނބުރި އައުމުން ވެރިމީހާ ބުންޏެވެ.
"އެ ޙިމާރުގެ ކައިރިއަށް ގޮސް އޭތި ރޮއްވައިލަދީބަލާށެވެ!"
ދެން މުވައްޒަފު އެ ޙިމާރުގެ ކައިރިއަށް ގޮސް، އޭތި ރޮއްވައިލިއެވެ!!!

އެ ކަން ކޮށްފައި މުވައްޒަފު އެނބުރި އައުމުން ވެރިމީހާ ބުންޏެވެ.
"އެ ޙިމާރު ފައްސައިލަދީބަލާށެވެ!"
ދެން މުވައްޒަފު އެ ޙިމާރުގެ ކައިރިއަށް ގޮސް، އޭތި ފައްސައިލިއެވެ!!!

އެ ކަން ކޮށްފައި މުވައްޒަފު އެނބުރި އައުމުން ވެރިމީހާ ބުންޏެވެ.
"ތިބާ ކުރި މަސައްކަތުގެ އަގު ވަޒަންކުރުމުގެ ގޮތުން، ތިބާއަށް އެއް މަސްދުވަހުގެ ޗުއްޓީއެއް ދީފީމެވެ. އަދި ތިބާގެ މުސާރަ، ދެ ގުނައަށް ބޮޑުކޮށްފީމެވެ. ނަމަވެސް، ތިބާއަށް މި ދެ ކަން ޙާޞިލުވާނީ، ތިބާ އެ ޙިމާރު ހެއްވައިލި ގޮތާއި ރޮއްވައިލި ގޮތާއި ފައްސައިލި ގޮތް ބުނެދިނީމައެވެ."

މުވައްޒަފު ބުންޏެވެ.
ފުރަތަމަ ފަހަރު ޙިމާރުގެ ގާތަށް ގޮސް ބުނީމެވެ.
"އަހަރެންނަކީ މުވައްޒަފަކީމެވެ." މިހެން ބުނުމުން ޙިމާރު ހީނގަތެވެ.

ދެވަނަ ފަހަރު ޙިމާރުގެ ގާތަށް ގޮސް ބުނީމެވެ.
"އަހަރެންގެ މުސާރަކީ 100 ރުފިޔާއެވެ." މިހެން ބުނުމުން ޙިމާރު ރޮއިގަތެވެ.

ތިންވަނަ ފަހަރު ޙިމާރުގެ ގާތަށް ގޮސް ބުނީމެވެ.
"އަހަރެންގެ ބަދަލުގައި ތިބާ، އަހަރެންގެ ވަޒީފާ އަދާކޮށްދޭންވީ ނޫންހެއްޔެވެ؟" މިހެން ބުނުމުން ޙިމާރު ކަޑަބޮއްޖަހައިފައި ދުވެ ފިލައި ރައްކާވެއްޖެއެވެ!!!"