އިސްބަސް
بِسْمِ اللَّهِ الرَّحْمَنِ الرَّحِيمِ
الْحَمْدُ
للهِ رَبِّ اْلعَالَمِيْن، وَالصَّلَاةُ وَالسَّلَامُ
عَلَى أَشْرَفِ اْلأَنْبِيَاءِ وَالْمُرْسَلِيْن، وَعَلَى
آلِهِ وَصَحْبِهِ أَجْمَعِيْن. أَمَّا بَعْدُ:
މިއީ، ބަޙުރު އީމަޖައްލާގެ 31 ވަނަ ޢަދަދެވެ. މި
މަޖައްލާއަކީ މާތްﷲ ގެ ވަޖުހުފުޅަށްޓަކައި ނެރޭ ދަރުމަވެތި
މަޖައްލާއެކެވެ. މިހާތަނަށް މި މަޖައްލާ، ކިޔުންތެރިންނާ
ހަމައަށް ފޯރުކޮށްދެވެނީ ހިލޭސާބަހަށް ކުރާ މަސައްކަތެއްގެ
ގޮތުގައެވެ.
އެހެނިހެން ޢަދަދުތަކެކޭ ވެސް
އެއްފަދައިން، މި ޢަދަދުގައި ވެސް ތަފާތު ލިޔުންތައް
ހިމަނާފައި ވާނެއެވެ. މަޒުމޫނުގެ ބައިގައި
ގެނެސްދެވިފައިވަނީ ދިވެހި މުޖުތަމަޢުން ފާހަގަކޮށްލެވޭ
ބޭފުޅުންތަކަކާބެހޭ ގޮތުން ލިޔެވިފައިވާ ކުރު
މަޒުމޫނުތަކެކެވެ.
މި ޢަދަދުގެ ވާހަކައިގެ ބައިގައި
ނުހަނު ޢިބްރަތްތެރި ދެ ވާހަކައެއް ވާނެއެވެ. އެއިން އެއް
ވާހަކައިން ލިބިގަންނަންޖެހޭ ޢިބްރަތަކީ އިބްލީހުގެ ބަހަށް
ނުހެއްލުމެވެ. އަނެއް ވާހަކައިން ލިބިގަންނަޖެހޭ
ޢިބްރަތަކީ ޙިކުމަތްތެރިކަން ލިބިގަތުމެވެ.
ޅެމުގެ
ބައިގައި ދެ ޅެމެއް ވާނެއެވެ. އެއް ޅެމަކީ ފަލްސަފީ
ޅެމެއްގެ ތަރުޖަމާއެކެވެ. އަނެއް ޅެމަކީ ނެށުމުގެ
ފަސާދައިން އެއްކިބާވުމަށް ގޮވާލާ ނިދާއެކެވެ.
"ފޫހިފިއްލި" ބައިގައި، ވާނީ ތިން ފޫހިފިއްލި
ގެނެސްދެވިފައި ވާނެއެވެ.
ބަޙުރު އީމަޖައްލާގެ މި
ޢަދަދަކީ ވެސް ޢިއްޒަތްތެރި ކިޔުންތެރިންގެ އަރިއަހުގައި،
ނުހަނު މަޤުބޫލު ޢަދަދެއް ކަމުގައި ވާނެ ކަމަށް
އުންމީދުކުރަމެވެ. އަޅުގަނޑުގެ ދުޢާއަކީ، މަޢުލޫމާތުގެ
ހެޔޮ މަޞްދަރެއްގެ ގޮތުގައި، ކީރިތިވަންތަ މާތް ﷲ، މި
މަޖައްލާ ލެހެއްޓެވުމެވެ. އެކަލާނގެ މި ދުޢާ
އިޖާބަކުރައްވާށިއެވެ! އާމީން!
02 ޖުލައި 2024 މ.