ބަޙުރު

1.
އޭ ރާޤިޞާ! ބޮޑު ފިތުނަޔާ! ކިހިނެއް ތިބާ ނަށަމުންދަނީ؟
ފޭރާމަކުން ޒީނަތް ވެގެން، އަޑި މާނުބައިކަން ދައްކަނީ؟
2.
ކުޑަކުޑަ ރުމާ ހޫރާލުމާއި، މަޑުމަޑު ހިތަށް ގޯޅާލުމާއި،
ހަޑިހަޑި ގުދުން ބަނޑިލެއްވުމާއި، ފަނޑުފަނޑު އަލީގައި ދައްކަނީ!
3.
ދެމެދަށް ދެ ޚަލްޤުގެ ވަދެލަނީ، ދެމެދަށް ދެ އުޚުތުގެ ވަދެލަނީ،
ދެމެދަށް ނެށުން ވައްދައިލަނީ، ދޭދޭ އަޚުން ޖައްސައިލަނީ!
4.
އޮލަ ނެށުމަކުން މުޅި ދޭހުގައި، ފުރެދުންތަކަށް މަގުދައްކަނީ،
ބޮލަކަށް އުނބެއް ހުރި ނަމަ ކަތަކު، ޖަޒުބާތުގައި މޮޔަކޮށްލަނީ!
5.
ރާޙަތް ނިކަން ރާތަށިތަކުން، ލިބުމަށް އަދައި ނަށަމުންދަނީ،
ރާޙަތް ނުވާ ފާފައި ތެރޭ، ސުކްރުގެ މަގުން ނިމިގެންދަނީ!
6.
އިބްލީހުހެން ވަސްވާސްދެމުން، އުރެދުންތަކަށް ގެންގޮސްލަނީ،
ރިބް ކަށްޓަކުން ހެއްދެވުނަތީ، ތެދު ނުކުރެވޭނެ ކަމަށް ވަނީ!
7.
ފޭރާން މޮޅޭ، ފޭރާން މޮޅޭ، ބޮޑު ރާޤިޞާ ގޮވަމުންދަނީ!
ފޭރާން ނުލައި ނެށުމަށަ ހިތައި، އިސްޓޭޖުގައި ޢުރްޔާންވަނީ!
<>

ރާޤިޞާ: ނަށާ އަންހެނާ
ސުކްރު: މަސްތު