އިމްތިޙާނެއްގައި ކުއްޖަކު ދީފައިވާ ޖަވާބުތަކެއް
ސުވާލު: ބޮޑު ޝިރުކާއި ކުޑަ ޝިރުކަކީ ކޮބައިހެއްޔެވެ؟
ޖަވާބު: ބޮޑު ޝިރުކަކީ ބޮޑު ބުދަށް
އަޅުކަންކުރުމެވެ. ކުޑަ ޝިރުކަކީ ކުޑަ ބުދަށް
އަޅުކަންކުރުމެވެ.
ސުވާލު: ވާރޭވެހެނީ ކޮން މޫސުމެއްގައި ހެއްޔެވެ؟
ޖަވާބު: ވާރޭވެހެނީ ފުރާޅު ނެތް މޫސުމުގަ އެވެ.
ސުވާލު: ދެ ކުކުޅު ލާފައިވާ ކޮށްޓަކަށްވަދެ، ހިޔަޅު
އެއްކުކުޅު ކާލައިފި އެވެ. އެއަށްފަހު ކޮށީގައިވާނީ ކިތައް
ކުކުޅުހެއްޔެވެ؟
ޖަވާބު: ދެވަނަ ކުކުޅެވެ.
ސުވާލު: މެންދުރު ވަގުތާއި ޢިޝާ ވަގުތަކީ ކޮބައިހެއްޔެވެ؟
ޖަވާބު: މެންދުރު ވަގުތަކީ މެންދުރު ކެއުން ކާ ގަޑި އެވެ.
ޢިޝާ ވަގުތަކީ، ރޭގަނޑު ކެއުން ކާ ގަޑި އެވެ.
ސުވާލު: އަލިފާން ފަރުބަދައަކީ ކޮންއެއްޗެއްހެއްޔެވެ؟
ޖަވާބު: ފޮތުގެ 75 ވަނަ ޞަފުޙާގައިވާނެ އެވެ.
ސުވާލު: ޔަރުމޫކު ހަނގުރާމަ ކުރެވުނީ ކޮން ތާރީޚެއްގައި
ހެއްޔެވެ؟
ޖަވާބު: އޭރު އަހަރެމެން ވަރަށް ކުޑަ އެވެ. އެހެންކަމުން
ތާރީޚު ހަނދާނެއް ނެތެވެ.
ސުވާލު: މަޝްހޫރު ޅެންވެރިޔާ، މުތަނައްބީ ނިޔާވީ
ކޮންއިރަކު ހެއްޔެވެ؟
ޖަވާބު: ވަރަށް ކުރިންނެވެ.
ސުވާލު: އަލިފާންފަރުބަދައެއް ގޮވަނީ ކީއްވެހެއްޔެވެ؟
ޖަވާބު: މީހަކު އިންތިހާ ދަރަޖައަށް ރުޅިގަދަވުމުންނެވެ.
ސުވާލު: ސްކޫލުން އައިސް މަންމަ ގާތުގައި ތިބާ ބުނަނީ
ކީކޭހެއްޔެވެ؟
ޖަވާބު: މަންމާއެވެ! އަދިވެސް ކާންދޭކަށް ނުވޭހެއްޔެވެ؟
ސުވާލު: ގަސްދުގައި މީހަކު މެރުމާއި، ގަސްދު ނެތި ކުރާ
ކަމަކުން މީހަކު މަރުވުމުގެ ތަފާތަކީ ކޮބައިހެއްޔެވެ؟
ޖަވާބު: ގަސްދުގައި މީހަކު މަރާނީ މަހެއްހައި ދުވަހު،
އޭނާގެ މައްޗަށް ހަސަދަލައިގެން އުޅުމަށްފަހުގަ އެވެ.
ގަސްދު ނެތި ކުރާ ކަމަކުން މީހަކު މަރުވާނީ، މީހެއްގެ
ފަހަތުން ގޮސް މަރާލީމަ އެވެ.
ސުވާލު: މަންމައާއި ބައްޕަ އަރާރުންވާއިރު، އަންހެން
ދަރިފުޅު މަންމަ ގާތުގައި ބުނާނީ ކީކޭހެއްޔެވެ؟
ޖަވާބު: ބައްޕައާ އަރާރުންވެ، ބައްޕަގެ ގައިގައި ފުރަތަމަ
ޖެހީ މަންމަ ނޫންހެއްޔެވެ؟
ސުވާލު: ހިތުގެ ވަޒީފާއަކީ ކޮބައިހެއްޔެވެ؟
ޖަވާބު: މަރުވަންދެން ވިންދު ޖެހުމެވެ!!!