ބަޙުރު

1.
ވަޔާއޭ މެންދަމަށް މިޖެހޭ، ކޮބައިހެ؟ ހަނދާ، މަގޭ މަޢުޝޫޤު،
މަށަށް ބުނެދީބަލާށެ ތިބާ މަ ދާންވީ މަންޒިލާ، މާމަގު.

2.
މިވާދީގައި ބިރެއް ނެތަކަސް، އަމާން ތަނަކަށް މިތަން ވިޔަކަސް،
ނެތޭ ޠޫރުގެ މަތީ ނޫރެއް އެނގޭނޭ ހެން އަރާ އުދަރެސް.

3.
ފަނާވާ މަސްރަޙުން ދުނިޔޭން، ސަލާމަތްކަން ވަނީ ކާކަށް؟
ޚަރާބާތުގެ ޒަމާންތަކުގައި އަމާންކަން ލިބި ވަނީ ކާކަށް؟

4.
ނިދާތަކަކުން މަށަށް އިވުނޭ: "އެނގޭނަމައީ އިޝާރާތްތައް،
އިވޭއިރު ޖޯކުތައް ގިނަގުނަ، ނެތޭ ސިއްރެއް ވެވޭނެ ކަމެއް!"

5.
މަގޭ ބޮލުގައި ޙަބީބަށްވާ އެތައް ޙައްޤެއް ވެޔޭ އެޅިފައި،
އެހެން ނަމަވެސް ޖަވާހިރަކުން ނެތޭ އެޔަކަށް އަގެއް ދެވިފައި.

6.
އޮޅޭ ނަލަ ރާޅުބާނިން ވާ ޙަބީބުގެ ތާޖުގައި ބޮސްދީ،
ހިތަށް ފަރުވާޔަކަށް އެދިގެން ސުވާލެއް ކޮށްލުމަށް ގޮސްދީ!

7.
"ޙަބީބުގެ ލޯ ދުށުން އެދިގެން މިތަން ދޫކޮށް އެތާ އިންނަން،
ކޮބާހޭ؟ މަސްކަނާ މަންޒިލް، އެތާނގައި އިންތިޒާރުކުރަން.

8.
ނަށައި ލަވަތައް ކިޔައި ޝަރުބަތް ބަހާ މަޙުފަލް ތެރޭ ވިޔަކަސް،
އުފާވެރިކަން ލިބޭނެ މަގެއް ނެތޭ ފެނިފައި މަރެއް ވިޔަކަސް.

9.
ތިބާ ޙާފިޡު ނުރޯށޭ ދެން އައިސް ޖެހުނަސް ޚަރީފުގެ ވައި،
ނެތޭ ފިނިފެން މަލެއް ފޮޅިފައި، ތަނޑެއްގައި ކަށިތަކެއް ނުފަޅައި!