ތަޢާރުފު
އާކިފެހިޗަރއަކީ، މިނިސްޓްރީ އޮފް ހޯމް
އެފެއާޒުގައި ރަޖިސްޓަރީކޮށްފައިވާ
ވެބްސައިޓެކެވެ. މި ވެސައިޓުގެ މުހިންމަތަކީ،
ބިނާވެށްޓާބެހޭ ކަންކަން ގެނެސްދިނުމެވެ. މި
ވެބްސައިޓުގައި މިހާރު ވާނީ މައިގަނޑު ތިން ބަޔެވެ.
އެއީ، ފަރުމާތަކަށް ޚާއްޞަ ބަޔާއި،
ޙައްލުތަކަށް ޚާއްޞަ ބަޔާއި، މަޒުމޫނުތަކަށް
ޚާއްޞަ ބަޔެވެ.
ފަރުމާތަކަށް ޚާއްޞަ ބައިގައި
ވާނީ، ގެދޮރާއި އެހެނިހެން ޢިމާރާތްތަކުގެ
ފަރުމާއެވެ. މި ބައިގައި ބޮޑަށް
އިސްކަންދެވިފައިވާނީ ގެދޮރުގެ ފަރުމާއަށެވެ.
ޙައްލުތަކަށް ޚާއްޞަ ބައިގައި ވާނީ، ބިނާވެށި
ފަރުމާކުރުމާބެހޭ އެކިއެކި ކަންކަމުގެ
ޙައްލެވެ.
މަޒުމޫނުތަކަށް ޚާއްޞަ ބައިގައި
ވާނީ، ބިނާވެށީގެ އެކިއެކި ތަންތަނާއި،
ބިނާވެށްޓާ ބެހޭ އެކިއެކި ކަންކަމާބެހޭ ގޮތުން
ލިޔެވޭ މަޒުމޫނާއި މަޢުލޫމާތެވެ.
އާކިފެހިޗަރ އަކީ، ތިޔަ
ބޭފުޅުންގެ ބިނާވެށީގެ ވެބްސައިޓެވެ. މި
ވެބްސައިޓުގެ ޒަރީއާއިން ތިޔަ ބޭފުޅުންނަށް
ލާބަހުރި ޚިދުމަތެއް ފޯރުކޮށްދެވިއްޖެ ނަމަ،
މަޤުޞަދު ޙާޞިލުވީއެވެ.
އެޑިޓަރ: ޢަބްދުލްމުޢީދު ޙަސަން
މައިޞަފުޙާ