އާންމުކޮށް ކުރެވޭ ސުވާލުތަކާއި، އޭގެ ޖަވާބުތައް
ސ. އާކިފެހިޗަރގައި ޝާއިޢުކޮށްފައިވާ
ކުރެހުމެއް ގަތުމަށްޓަކައި ކުރަންޖެހޭ ކަމަކީ
ކޮބައިތޯއެވެ؟
ޖ: އާކިފެހިޗަރގައި
ޝާއިޢުކޮށްފައިވާ ކުރެހުމެއް ބައްލަވައިގަތުމަށްޓަކައި،
އެ ކުރެހުމެއްގެ އަގު ޖަމާކުރައްވާނީ
ތިރީގައިވާ އެކައުންޓަށެވެ. ފައިސާ
ޖަމާކުރެއްވިކަމުގެ ރަސީދާއި، ކުރެހުމުގެ
ނަންބަރު ވައިބަރކުރައްވާނީ
(9763216) މި ނަންބަރަށެވެ. ރަސީދާއި
ކުރެހުމުގެ ނަންބަރު ވައިބަރކުރެއްވުމުން،
ކުރެހުމުގެ ފައިލް/ފައިލްތައް ތިޔަ
ފަރާތަށް ފޮނުވައިދެވޭނެއެވެ.
BML
7701131167101
ސ. އާކިފެހިޗަރއިން ގަންނަ ކުރެހުން
ފޮނުވައިދެނީ ކިހިނަކުންތޯއެވެ؟
ޖ.
ކުރެހުން ފޮނުވައިދެނީ ދެ ގޮތަކަށެވެ.
އެއް ގޮތަކީ، ވައިބަރކުރުމެވެ. އަނެއް ގޮތަކީ
އީމެއިލް އެޑްރެސް ދެއްވުމުން އެއަށް
މެއިލްކުރުމެވެ.
ސ. އާކިފެހިޗަރގައިވާ
ކުރެހުންތައް އެހެން ތަނެއްގައި
ޝާއިޢުކުރޭތޯއެވެ؟
ޖ. އާކިފެހިޗަރގައި
ޝާއިޢުކުރާ ކުރެހުންތައް، އާކިފެހިޗަރގެ
ފަރާތުން (އާކިފެހިޗަރ ފިޔަވައި) އެހެން
ތަނެއްގައި ޝާއިޢުނުކުރެއެވެ. އަދި އެހެން
ފަރާތަކުން އެކަން ކުރުމަކީ މަނާ ކަމެކެވެ.
ސ. އާކިފެހިޗަރއިން ގަންނަ ފަރުމާއެއްގެ ކުރެހުމާ
އެއްގޮތަށް ގެއެއް ޢިމާރާތްކުރެވިދާނެތޯއެވެ؟
ޖ. އާކިފެހިޗަރ އިން ބައްލަވައިގަންނަވާ
ފަރުމާއެއްގެ ކުރެހުމާ އެއްގޮތަށް އެއްވެސް
ޢިމާރާތެއް ނުވަތަ ބިނާއެއް ހައްދަވަންވާނީ،
ކަމާބެހޭ ފަރާތްތަކުން ހޯއްދަވަންޖެހޭ ހުއްދަތައް
ހޯއްދަވައިގެންނެވެ.
ކަމާބެހޭ ފަރާތްތަކުން ހުއްދަ ދެއްވައިފިނަމަ،
އެ ކުރެހުމަކާ އެއްގޮތަށް
ޢިމާރާތްކުރެއްވުމާމެދު، އާކިފެހިޗަރގެ
އިޢުތިރާޟެއް ނެތެވެ.
ސ. އާކިފެހިޗަރ
އިން ގަންނަ ފަރުމާގެ ކުރެހުމުގައި އާކިޓެކްޓާއި
ސިވިލް އިންޖިނިއަރގެ ތައްގަނޑު
ޖަހައިދޭތޯއެވެ؟
ޖ. އާކިފެހިޗަރއިން
ކުރެހުންތައް ވިއްކާއިރު، އޭގައި
އާކިޓެކްޓާއި ސިވިލްއިންޖިނިއަރގެ ތައްގަނޑު
ޖަހާފައެއް ނުވާނެއެވެ. ނަމަވެސް، ކުރެހުމެއް
ބައްލަވައިގަންނަވާ ފަރާތަކުން އެކަމަށް
އެދިވަޑައިގެންފިނަމަ، އެ ޚިދުމަތް ފޯރުކޮށްދޭ
ފަރާތަކާ ގުޅުވައިދެވިދާނެއެވެ.
ސ.
އާކިފެހިޗަރއިން ގަންނަ ފަރުމާގައި،
ހުއްދަ ހޯދުމަށްޓަކައި ބޭނުންވާ ހުރިހާ
ކުރެހުންތަކެއް ނެތް ނަމަ، ނެތް ކުރެހުންތައް
ކުރަހައިދޭތޯއެވެ؟
ޖ. ކުރެހުން
ބައްލަވައިގަތުމަށްފަހު، އެކަމަށް
އެދިވަޑައިގެންފިނަމަ، ނެތް ކުރެހުންތައް
ކުރަހައިދޭ ފަރާތަކާ ގުޅުވައިދެވިދާނެއެވެ.
ނުވަތަ އެ ކުރެހުންތައް ތައްޔާރުކުރުމުގެ އަގު
ދެއްކެވުމުން، އެ ކުރެހުންތައް
ތައްޔާރުކޮށްދެވިދާނެއެވެ.
ސ:
އާކިފެހިޗަރގައި ޝާއިޢުކުރެވޭ ކުރެހުންތައް ފާސްކުރެވޭ މިންވަރަށް
ފުރިހަމަނުވަނީ ކީއްވެތޯއެވެ؟
ޖ:
އާކިފެހިޗަރގައި ފުރަތަމަ ޝާއިޢުކުރެވޭނީ
ޢިމާރާތެއްގެ އާކިޓެކްޗަރަލް ކުރެހުންތަކެވެ.
ދެން އެއަށްފަހު، އެއަށް ބައެއް ކުރެހުންތައް
އިތުރުކުރެވެމުންދާނެއެވެ. ކޮންމެ
ޢިމާރާތެއްގެ ކުރެހުން ފުރިހަމަވެފައިނުވަނީ،
މިހެންވެގެންނެވެ. ނަމަވެސް ދުވަސްތަކާއެކު
ކުރެހުންތައް ފުރިހަމަކުރެވެމުންދާނެއެވެ.
މިފަދަ އަނެއް ސަބަބަކީ، އާކިފެހިޗަރގައި
ކުރެހުންތައް ޝާއިޢުކުރުމުގެ މައިގަނޑު
ބޭނުމެވެ. އެއީ، ޢިމާރާތް ހުންނާނެ ގޮތުގެ
ތަޞައްވުރެއް ފޯރުކޮށްދިނުމެވެ.
އާކިޓެކްޓުންނާއި ސިވިލްއިންޖިނިއަރުން ނުވަތަ
މި ދާއިރާގައި މަސައްކަތްކުރާ ޗެކަރުންގެ
ދައުރަށް އުނިކަމެއް އަންނާނެހެން އެއްވެސް
ކަމެއް ކުރުމުގެ މަޤުޞަދެއް އާކިފެހިޗަރގައި
ނެތެވެ. އާޚިރުގައި، ކުރެހުންތަކުގައި
ތައްގަނޑު ޖަހާނީ އެ ފަރާތްތަކުންނެވެ.
ޢިމާރާތްކުރުމަށް ހުއްދަ ދޭނީ ކަމާބެހޭ
އިދާރާތަކުންނެވެ.
ސ. ޢިމާރާތް
ފަރުމާކުރާ ފަރާތްތަކުން، ޢިމާރާތް ފަރުމާކޮށްދެނީ
ވަރަށް ބޮޑު އަގުގައެވެ. އެއީ ކީއްވެތޯއެވެ؟
ޖ. ޢިމާރާތް ފަރުމާކުރުމުގެ މަސައްކަތަކީ، އެ
ކަމުގައި ގިނަ ވަގުތު ހޭދަކުރަންޖެހޭ ބުރަ
މަސައްކަތެކެވެ. އެކަން ކުރާ ފަރާތަކުން
އުފުލަންޖެހޭ ބޮޑެތި ޒިންމާތަކެއް ވެއެވެ.
އޭގެތެރޭގައި މާލީ ޒިންމާތައް ވެސް
ހިމެނެއެވެ. އަދި އެ ފަރާތްތަކުން ނަގަންޖެހޭ
ހުއްދަތަކެއް ވެސް ވެއެވެ. އެއީ ދާއިމީ
ހުއްދަތަކެއް ވެސް ނޫނެވެ. ކަނޑައެޅިފައިވާ
މުއްދަތުތަކަށްފަހު އެ ހުއްދަތައް އަލުން އާކުރަން
ވެސް ޖެހެއެވެ. ޢިމާރާތް ފަރުމާކުރުމާއި،
ކުރެހުން ޗެކްކުރުމާއި، އޭގައި ތައްގަނޑު
ޖަހައި ސޮއިކުރުމުގެ މަސައްކަތްތައް ވަނީ،
މިފަދަ އެތައް ކަންކަމަކާ ގުޅިފައެވެ.
އެހެންކަމުން ޢިމާރާތް ފަރުމާކުރުމުގެ
މަސައްކަތުގެ އަގު ބިނާވެފައިވަނީ، އެ
ހުރިހައި ކަންކަމެއްގެ މައްޗަށެވެ. ނަމަވެސް
މި ރާއްޖޭގައި އަދިވެސް މި މަސައްކަތް
ކުރެވެމުންދަނީ، ނިސްބަތުން ހެޔޮ
އަގުތަކެއްގައިކަން ފާހަގަކުރެވެއެވެ.
މައިޞަފުޙާ