ސުވާލާއި ޖަވާބު
މިއީ މަހަރާ ބެހޭ ގޮތުން ކިޔުންތެރިން
ހުށަހަޅުއްވާ ސުވާލުތަކުގެ ޖަވާބު
ޝާއިޢުކުރެވޭ ޞަފުޙާއެވެ.
ތިރީގައި މިވަނީ
ހުށަހެޅިފައިވާ ބައެއް ސުވާލާއި އޭގެ
ޖަވާބެވެ.
ސ 1: މަހަރު އީމަޖައްލާގެ
ޕާސްވޯޑް ލިބޭނީ ކިހިނަކުން ހެއްޔެވެ؟
ޖ 1:
މަހަރު އީމަޖައްލާގެ ޕާސްވޯޑް ލިބޭނީ
އިޝްތިރާކު ދެއްކުމުންނެވެ.
މިތަނަށް
ކްލިކްކޮށްލުމުން އިޝްތިރާކާ ބެހޭ ޞަފުޙާއަށް
ވާޞިލުކޮށްދޭނެއެވެ.
ސ 2: މަހަރު
އީމަޖައްލާއަށް އިޝްތިރާކު ދެއްކުމުން ލިބޭ
ޔޫސަރނޭމާއި ޕާސްވޯޑް ބޭނުންކޮށްގެން ހުޅުވޭނީ
އިޝްތިރާކު ދެއްކި ޢަދަދު އެކަނި ހެއްޔެވެ؟
ޖ 2: އިޝްތިރާކު ދެއްކުމުން ލިބޭ ޔޫސަރނޭމާއި
ޕާސްވޯޑް ޖަހައިގެން، އިޝްތިރާކު ދެއްކި
ޢަދަދާއި އޭގެ ކުރީގެ ޢަދަދުތައް
ހުޅުވޭނެއެވެ.
ސ 3.
އިޝްތިރާކު ދެއްކުމުން ވަގުތުން ޕާސްވޯޑް
ލިބޭނެހެއްޔެވެ؟
ޖ 3. އާންމު އުޞޫލަކީ
އިޝްތިރާކު ދެއްކުމުން 5 މިނިޓާއި 10 މިނިޓާ
ދެމެދުގެ އިރުކޮޅެއްގެ ތެރޭގައި ޕާސްވޯޑް
ލިބުމެވެ. ނަމަވެސް ބައެއް ވަގުތުތަކުގައި
އެއް ގަޑިއިރަށް ލަސްވެދާނެއެވެ. އަދި ރޭގަނޑު
ދަންވަރު އިޝްތިރާކު ދެއްކުމުން ޕާސްވޯޑް
ލިބުން އެއަށްވުރެ ލަސްވެދާނެއެވެ.
ސ 4.
ހުރިހާ މޮބައިލް ފޯނަކުން މަހަރަށް ވަދެވޭނެ
ހެއްޔެވެ؟
ޖ 4. ސެމްސަން މޮބައިލް ފޯނާއި،
ޕީސީއާއި ލެޕްޓޮޕް ފަދަ ވަސީލަތްތަކުން
ދަތިކަމަކާ ނުލައި މަހަރަށް ވަދެވެއެވެ.
ނަމަވެސް ޗައިނާގައި އުފައްދާފައިވާ ބައެއް
މޮބައިލް ފޯނުން މަހަރަށް ވަނުމުގައި
ދަތިތަކެއް ކުރިމަތިވާކަން ވަނީ
ފާހަގަކުރެވިފައެވެ. އެކަން ކުރިމަތިވި
ބައެއް ފަރާތްތަކުން އެ މައްސަލަ ޙައްލުކުރި ކަމަށް
މަޢުލޫމާތު ލިބިފައި ވެއެވެ. މަހަރަށް
އިޝްތިރާކު ދެއްކުމުގެ ކުރިން ތިބާގެ
މޮބައިލް ފޯނުން ނުވަތަ ތިބާ ބޭނުންކުރައްވާ
ޑިވައިސް އިން މަހަރަށް ވަދެވޭތޯ ބެލުމަކީ ނުހަނު ބޭނުންތެރި ކަމެކެވެ.
އެކަމަށްޓައި
މިތަނަށް
ފިތައިލާށެވެ! ޔޫސަރނޭމަކީ 1234 އެވެ.
ޕާސްވޯޑަކީ 2222 އެވެ. ޞަފުޙާ ރަނގަޅަށް
ހުޅުވޭއިރު ފެންނާނެ ގޮތް ތިރީގައި
މިވަނީއެވެ. ބައެއް ރެޑްމީ (Redmi) ފޯނުން މި
ޞަފުޙާ ހުޅުވުނަސް، އެއިން މަހަރުގެ ޢަދަދުތައް
ނުހުޅުވެއެވެ. މިކަމާމެދު ސަމާލުވާން
ޖެހެއެވެ. މިކަން ތަޖުރިބާކުރައްވާފައިވާ
ބައެއް ބޭފުޅުން މަޢުލޫމާތު ދެއްވާ ގޮތުގައި
(Redmi) ގައި މަހަރު ހުޅުވެނީ (Google Chrome)
އިންނެވެ.
ސ 5. ޞަފުޙާ ހުޅުވޭތޯ
ބެލުމަށްފަހު އިޝްތިރާކުދެއްކުމުން،
އެއަށްފަހު އިޝްތިރާކުގެ މުއްދަތު ހަމަވުމުގެ
ކުރިން ނުވަދެވިއްޖެނަމަ ޙައްލަކީ
ކޮބައިހެއްޔެވެ؟
ޖ 5. އިސްވެދިޔަ ސުވާލުގެ
ޖަވާބުގައިވާ ޞަފުޙާ ރަނގަޅަށް ހުޅުވޭނަމަ،
އިޝްތިރާކު ދެއްކުމަށް ފަހުގައި ވެސް
ހުޅުވޭނެއެވެ. ނަމަވެސް މިއާ ޚިލާފު ޙާލަތު
ވަރަށް މަދުން ކުރިމަތިވެފައި ވެއެވެ. އެ
ޙާލަތުގައި ފޯނު ރިސްޓާޓް ކޮށްލުމުން ހުޅުވޭ
ކަމަށް ކިޔުންތެރިންގެ ކިބައިން މަޢުލޫމާތު
ލިބިފައި ވެއެވެ. އަދި ބައެއް ފަހަރު ފޯނަށް
މައްސަލައެއް ކުރިމަތިވުމުން ވެސް
ނުހުޅުވުމުގެ މައްސަލަ ކުރިމަތިވެފައި ވެއެވެ.
މި ޙާލަތުގައި އެހެން ޑިވައިސްއަކުން
(މިސާލަކަށް އެހެން ފޯނަކުން) ހުޅުވޭތޯ
ބަލައިލެވިދާނެއެވެ. އޭރުން ފޯނުގެ
މައްސަލައެއްކަން ނުވަތަ ނޫންކަން
ކަށަވަރުވާނެއެވެ.
ސ 6: މަހަރު އީމަޖައްލާއަށް އެއްފަހަރު
އިޝްތިރާކު ދެއްކީމާ، އިޝްތިރާކު ދެއްކި
މުއްދަތު ހަމަވުމަށް ފަހުގައި ވެސް އެ
ޢަދަދުތަކަށް ވަދެވޭނެ ހެއްޔެވެ؟
ޖ 6:
މަހަރު އީމަޖައްލާގެ ޢަދަދުތަކަށް ވަދެވޭނީ
އިޝްތިރާކު ދެއްކި މުއްދަތަށެވެ. އިޝްތިރާކު
ދެއްކި މުއްދަތު ހަމަވާއިރު ވާނީ އާ ޢަދަދެއް
ނުކުމެފައެވެ. އެއަށްފަހު އާ ޢަދަދާއެކު
އެހެން ޢަދަދުތަކަށް ވަދެވޭނީ އިޝްތިރާކު
ދެއްކުމުންނެވެ.
ސ 7. އިޝްތިރާކު
ދެއްކި މުއްދަތު ހަމަވުމަށްފަހު، އެ
ޢަދަދުތަކަށް ނުވަދެވެނީ ކީއްވެ ހެއްޔެވެ؟
ޖ 7. މަހަރުގެ ޢަދަދުތައް އިންޓަރނެޓްގައި
ބެހެއްޓެނީ އަގު ދައްކައިގެންނެވެ. އަގު
ނުދައްކާ ހިލޭ ބެހެއްޓޭނަމަ، އިޝްތިރާކު
ނުދައްކައި ހިލޭ ވަދެވިދާނެއެވެ. މަހަރުގެ
ޢަދަދުތައް ބެލެހެއްޓުމާއި މަރާމާތުކުރުމާއި
ކުރިމަތިވާ މައްސަލަތައް ޙައްލުކުރުމަށް
ޓަކައި ވެސް ވަގުތުތައް ހޭދަވެއެވެ.
އެހެންކަމުން، އިޝްތިރާކުގެ މުއްދަތު
ހަމަވީމާ، ހިލޭ ވަދެވޭނެ އުޞޫލެއް
ހަމަޖެއްސޭކަށެއް ނެތެވެ. އެހެނީ އެ އުޞޫލުން
މި މަސައްކަތެއް ނުކުރެވޭނެއެވެ.
ސ 8: މަހަރުގެ ޢަދަދުތަކުގައިވާ ލިޔުންތައް
ކޮޕީކޮށްގެން އެހެން ތަކެތީގައި
ޝާއިޢުކުރުމަކީ ހުއްދަ ކަމެއް ހެއްޔެވެ؟
ޖ
8:
މަހަރުގެ އެއްވެސް ޢަދަދެއްގައިވާ އެއްވެސް
ލިޔުމެއް ނުވަތަ އެއިން ބައެއް ނުވަތަ
އޭގައިވާ އެއްޗެއް ކޮޕީކޮށްގެން އެހެން
އެއްޗެއްގައި ޝާއިޢުކުރުމަކީ ހުއްދަކަމެއް
ނޫނެވެ.
ސ 9: މަހަރު މަޖައްލާގެ ޢަދަދެއް
ނުވަތަ އެއިން ޢަދަދެއްގައިވާ ލިޔުމެއް،
ޕީޑީއެފް ފޯމެޓަށް ލިބިދާނެ ހެއްޔެވެ؟
ޖ 9:
މަހަރު މަޖައްލާގެ ޢަދަދުތަކާއި އެ
ޢަދަދުތަކުގައިވާ ލިޔުންތައް
ތައްޔާރުކުރެވެނީ، ޕީޑީއެފް ފޯމެޓަކަށެއް
ނޫނެވެ. އަދި މަހަރުގައިވާ ލިޔުންތައް
ނަކަލުކޮށްގެން ބެހުމަކީ މަޖައްލާގެ "ޙައްޤު"
ގައި މަނާކޮށްފައިވާ ކަމެކެވެ. އެހެންކަމުން
އެކަން ނުކުރެވޭނެއެވެ.
ސ 10: މަހަރު
މަޖައްލާގެ ޔޫސަރނޭމާއި ޕާސްވޯޑް އެހެން
މީހެއްގެ އަތުން ހޯދައިގެން، މަޖައްލާއަށް
ވަނުމަކީ ހުއްދަ ކަމެއް ހެއްޔެވެ؟
ޖ 10: މަހަރު މަޖައްލާގެ ޔޫސަރނޭމާއި ޕާސްވޯޑް
ލިބޭނީ އިޝްތިރާކު ދައްކާ ފަރާތަށެވެ.
އެފަރާތުން އެހެން ފަރާތަށް އެ ދިނުމަކީ
މަނާކަމެކެވެ. އެފަރާތުން އެކަން ކުރުމަކީ
އެފަރާތުގެ ޔޫސަރނޭމާއި ޕާސްވޯޑް
ކެންސަލްކުރެވިދާނެ ކަމެކެވެ. މަހަރު
ބޭނުންކުރަންވާނީ ޒިންމާދާރުކަމާ
އެކުގައެވެ. އެހެނީ މި މަޖައްލާއަކީ އަށާރަ
އަހަރުން މަތީ މީހުންނަށް އަމާޒުކުރެވިފައިވާ
އަދި ޒަވާޖީ ޙަޔާތަށް ޚާއްޞަ މަޖައްލާއެކެވެ.