ބަޙުރު

ބޮޑު ޝޮޕިންގ މޯލެއްގެ ތެރޭގައި ދެމަފިރިއަކު ބާޒާރުކޮށްލަން އުޅެނިކޮށް ފިރިމީހާއަށް އަނބިމީހާ ގެއްލުނެވެ. ދެން އަނބިމީހާ ފެނޭތޯ އޭނާ ވަރަށް މަސައްކަތްކުރިއެވެ. ނަމަވެސް މީހުންގެ ގިނަކަމުންނާއި، ތަނުގެ ބޮޑުކަމުން އޭނާއަށް އަނބިމީހާއެއް ނުފެނުނެވެ.

އަނބިމީހާ ގެއްލިގެން އެކަމާމެދު އޭނާ ކަންބޮޑުވެފައިހުއްޓާ، ރީތި އަންހެނަކު އޭނާއަށް ފެނުނެވެ. އެހިނދު އެ އަންހެންމީހާގެ ކައިރިއަށް ގޮސް ބުންޏެވެ.

"ތިބާއާ އިރުކޮޅަކު ވާހަކަދައްކާލެވިދާނެ ހެއްޔެވެ؟"

އަންހެން މީހާ އެއްސެވެ. "އެއީ، ކޮންކަމަކު، ކޮން ބޭނުމަކު ހެއްޔެވެ؟"

ޖަވާބުގައި ފިރިހެންމީހާ ބުންޏެވެ.

"މިއުޅެނީ މިއަދު ވެސް އަނބިމީހާ ގެއްލިގެންނެވެ. އޭނާ ގެއްލޭ ކޮންމެ ދުވަހަކު ރީތި އަންހެނަކާ ވާހަކަދައްކަން ފަށާއިރަށް އޭނާ އައިސް ކުރިމަތީގައި ހުއްޓެއެވެ. މިހެންވެ، އޭނާ ހޯދުމުގެ މުހުތާދުގައި ތިބާއާ ވާހަކަދައްކާލަން ބޭނުންވީއެވެ."