ބަޙުރު

ޢިލްމީ ލިޔުމެއް ލިޔުމުގެ ހަރުފަތް ހަޔެކޭ އެރުމަށް،
ޙިލްމާއެކުގައި އެދުރުން އަންގަވަޔޭ ދަރިވަރުނަށް.

ލިޔުމުގެ ކުރިޔާ، ރޭވުން، ނަކަލާ، ކޮށްފަ މުރާޖާ
ފައިނަލް ލިޔެ އަދި ޝާއިޢުކުރުމެއް އާދޭ ނިމުމަށް.

ފީނާށެ ކަނޑަށް ފިކުރާއި ޚިޔާލާތުގެ ތެރެއަށް،
ދެނެގަނެ ބޭނުން، ކޮން ބާވަތަކުން، ކޮން ބަޔަކަށް.

ރާވައި އޮނިގަނޑު، ހިމަނައިލާނޭ މަޢުލޫމާތާ،
ނުކުތާ ހޯދައި ތަރުތީބުކުރޭ އަތުރައިލުމަކަށް.

ނުކުތާ ހަމަތޯ ބެއްޔަސް ކުށްތައް ނުބަލާށޭ އިސްކޮށް،
ނަކަލެއް ލިޔެލާ ނުވެދާނޭތީ ފުރިހަމަ މަޒުމޫނަށް.

ކޮށްފަ މުރާޖާ ޖައްސާށަވަށައި ކުށްތައް ފިލުވައި،
ބަހުގެ ގަވައިދާ މަޢުލޫމާތްތައް ފުރިހަމަކުރުމަށް.

ހުށަހެޅުމުގެ ގޮތް ކޮށްލާށެ ނަޔާ ހުރަހެއް ނެތުމުން،
ކިޔުމަށަ ބަސްމަގު މިތުރުންގެ ދުލަށް ލުއިވާނެ މަގަށް.

އިޞްލާޙުތަކުން ފުރިހަމަކޮށްގެން ލިޔެލާށެ ފަހުން،
ބިސްމިން ފަށަމުން، އެތުރުން ގަތަމުން، ޞަފުޙާތަކަކަށް.

ހިމަނައި ކުރެހުން ހޫލާއި ފޮޓޯ ތާވަލުތައް ލައި،
އަކުރުގެ ސައިޒާ ކުލަ މިޔުޒިކަކަށް ހެދުމަށަ ދެލޮލަށް.

އަސްތާ ތެދުވޭ! ޤަޞްދުގަ ކުރިހައި ޢަމަލެއް ދައްކަން،
ދެންފަހެ، ޝާއިޢު ކޮށްލަން ފުރުޞަތު ހޯދައި އެކަމަށް.

ނޯޓު: މި ޅެން ހަދާފައިވަނީ، ދިވެހިރާއްޖޭގެ އިސްލާމީ ޔުނިވަރސިޓީގެ
އެކެޑަމިކް ރައިޓިންގގެ ދާރިސް އަލްއުސްތާޛު މުޙައްމަދު ޒާހިރު ދެއްވި
ދަރެހެއްގެ މައްޗަށް ބިނާކޮށްގެންނެވެ.
(5 މެއި 2018)